“Azərbaycanda daşınmaz əmlakın qeydiyyatı sisteminin inkişafı: səmərəli praktika, şəffaflığın təminatı və konseptual yanaşmalar (2006-2013-cü illər)” mövzusunda İctimai Təqdimat keçirilib

Əmlak Məsələləri Dövlət Komitəsi tərəfindən 27 noyabr 2013-cü il tarixində “Azərbaycanda daşınmaz əmlakın qeydiyyatı sisteminin inkişafı: səmərəli praktika, şəffaflığın təminatı və konseptual yanaşmalar (2006-2013-cü illər)” mövzusunda İctimai Təqdimat keçirilib.

Təqdimatın məqsədi daşınmaz əmlakın qeydiyyatı sahəsində əldə edilmiş səmərəli praktika, şəffaflığın və vətəndaş məmnunluğunun təmin olunması, həyata keçirilmiş modernizasiya tədbirləri, optimal və sadələşdirilmiş prosedurlar, etibarlı və çevik elektron xidmətlər barədə ictimaiyyəti məlumatlandırmaqdır. Eyni zamanda, yaxın gələcəkdə daha mütərəqqi idarəetmə metodları və yanaşmalarının tətbiqi sahəsində atılacaq addımlar barədə məlumatların açıqlanması da tədbirin məqsədlərindəndir.

Ardını oxu...

Əmlak Məsələləri Dövlət Komitəsinin sədri Kərəm Həsənov Şəkidə vətəndaşları qəbul edib

Azərbaycan Respublikası Prezidentinin tapşırığına əsasən mərkəzi icra hakimiyyəti orqanlarının rəhbərləri respublikanın müxtəlif bölgələrində vətəndaşları qəbul edir, görüşlər keçirirlər. Belə qəbullar vasitəsilə dövlət orqanlarının rəhbərləri vətəndaşların müraciətlərinə yerindəcə baxıb onların operativ həlli üçün uyğun tapşırıqlarını və göstərişlərini verirlər.

Əmlak Məsələləri Dövlət Komitəsinin sədri Kərəm Həsənov tərəfindən 15 noyabr 2013-cü il tarixində Şəkidə növbəti vətəndaş qəbulu keçirilib. Qeyd edək ki, komitə sədri indiyədək respublikanın müxtəlif regionlarında vətəndaşlarla görüşmüş, onların müraciətlərini dinləmiş və onları maraqlandıran məsələlərlə yaxından tanış olmuşdur.

Bu dəfəki vətəndaş qəbulunda Şəki, Oğuz, Qəbələ və İsmayıllı rayonlarından olan vətəndaşlar iştirak edib. Komitə sədri vətəndaşların müraciətlərini nəzərdən keçirib, təkliflərini dinləyib. Səsləndirilən müraciətlər, əsasən, daşınmaz əmlaklara dair hüquqların dövlət qeydiyyatı, dövlət əmlakının özəlləşdirilməsi və icarəyə verilməsi, habelə komitənin digər fəaliyyət istiqamətlərinə aid olan məsələlərlə bağlı olub.

Ardını oxu...

Əmlak Məsələləri Dövlət Komitəsi tərəfindən şəffaflıq və ictimai etimadın gücləndirilməsi məqsədilə addımlar atılır

Əmlak Məsələləri Dövlət Komitəsi tərəfindən  2013-cü ilin 9 ayı ərzində dövlət əmlakının idarəçiliyi, özəlləşdirilməsi və icarəsi, daşınmaz əmlakın qeydiyyatı, vahid kadastrı və ünvan reyestrinin aparılması sahələrində dinamik və dayanıqlı fəaliyyəti davam etdirib.

Komitə görülən işlərin keyfiyyətinin əsas göstəricisi kimi şəffaflıq və ictimai etimadın təmin olunmasını mühüm prinsiplərdən biri elan edib.

Modernizasiya və şəffaflıq məqsədilə atılmış addımlar, sadələşdirilmiş və optimal prosedurlar, etibarlı və çevik elektron xidmətlər, daha mütərəqqi idarəetmə metodları və müasir mexanizmlərin tətbiqi komitənin fəaliyyətinin ən mühüm nailiyyətləridir. Qeydiyyat sisteminin şəffaflaşdırılması, prosedurların sadələşdirilməsi ilə vaxt itgisinin azaldılması, elektron xidmətlərin istifadəçilərinin sürətlə artması və nəticədə vətəndaş məmnunluğunun yüksəlməsi uğurlu fəaliyyətin əsas göstəriciləridir.

Ardını oxu...

Elektron əmlak idarəçiliyinin tətbiqi genişləndirilir

Azərbaycan Respublikasının Əmlak Məsələləri Dövlət Komitəsi öz vəzifə və funksiyalarının icrası istiqamətində Azərbaycan Respublikası Prezidentinin müvafiq fərman və sərəncamları, Nazirlər Kabinetinin qərarlarına əsasən elektron xidmətlərin təşkili və onların həyata keçirilməsi ilə bağlı işlər görür.

Ölkə iqtisadiyyatının inkişaf etdirilməsi, sahibkarlar arasında rəqabət mühitinin formalaşdırılması, daşınmaz əmlak bazarının daha da aktivləşdirilməsi prosesində komitə tərəfindən elektron xidmətlərin təşkili bu işləri daha da sürətləndirir. Hazırda komitə tərəfindən elektron əmlak idarəçiliyi, daşınmaz əmlakın qeydiyyatı, daşınmaz əmlak üzrə ipotekanın və lizinqin təşkili, müsadirə olunmuş, dövlətin mülkiyyətinə keçmiş əmlakların və nəqliyyat vasitələrinin elektron hərraclar vasitəsi ilə satışı, dövlət əmlakının səmərəli idarəçiliyinin təşkili və s. istiqamətlər üzrə 15 elektron xidmət təsdiq edilmişdir. Vətəndaşların və hüquqi şəxslərin bu elektron xidmətlərdən şəffaf və rahat istifadə edə bilmələri üçün həmin xidmətləri vahid məkanda cəmləyən www.e-emdk.gov.az portalı istifadəyə verilmişdir.

Ardını oxu...

 
 
 

Sorğu

Daşınmaz əmlak obyektinin müayinə edilməsi xidməti barədə məlumatlısınızmı?