Saytın xəritəsi aze eng   rus  

Xəbərlər

18.04.2014

Şirvanda vətəndaşlar və aidiyyəti təşkilatlar üçün qeydiyyatı və kadastr sahəsində hüquqi maarifləndirmə seminarı keçirilib

      Əmlak Məsələləri Dövlət Komitəsi tərəfindən bu ildən başlayaraq Dünya Bankının dəstəyi ilə icra olunan “Daşınmaz Əmlakın Qeydiyyatı” Layihəsi çərçivəsində daşınmaz əmlakın qeydiyyatı və kadastrı sahəsində hüquqi maarifləndirmə tədbirləri həyata keçirilir. Belə tədbirlərin davamı olaraq 18 aprel 2014-cü il tarixində Şirvanda vətəndaşlar, aidiyyəti dövlət qurumları və digər maraqlı tərəflər üçün daşınmaz əmlakın qeydiyyatı və kadastrı sahəsində hüquqi maarifləndirmə ilə bağlı seminar keçirilib.

12.04.2014

Əmlak Məsələləri Dövlət Komitəsində etik davranış qaydaları ilə bağlı növbəti seminar keçirilib

Əmlak Məsələləri Dövlət Komitəsində işləyən dövlət qulluqçularının xidməti davranışlarının “Dövlət qulluqçularının etik davranış qaydaları haqqında” Azərbaycan Respublikası Qanunu ilə müəyyən olunan etik davranış qaydalarına uyğunluğuna nəzarətin təmin edilməsi daim diqqət mərkəzində saxlanılır.  Komitə tərəfindən bu sahədə maarifləndirmə işlərinin aparılması məqsədi ilə davamlı tədbirlər görülür.


12.04.2014

Əmlak Məsələləri Dövlət Komitəsinin nümayəndələri Vaşinqton şəhərində keçirilən Dünya Bankının illik konfransında iştirak ediblər

Əmlak Məsələləri Dövlət Komitəsinin fəaliyyətində beynəlxalq təcrübənin tətbiqi və bu istiqamətdə xarici ölkələrlə həyata keçirilən əməkdaşlıq mühüm yer tutur. Dövlət əmlakının səmərəli idarə olunması, özəlləşdirilməsi, daşınmaz əmlak üzərində hüquqların qeydiyyatı, müasir kadastr sisteminin yaradılması və digər bu kimi məsələlərdə komitə inkişaf etmiş ölkələrin təcrübəsinin öyrənilməsini davam etdirir. Bu məqsədlə Əmlak Məsələləri Dövlət Komitəsi BMT-nin əlaqəli komissiyaları, Dünya Bankı və inkişaf etmiş Avropa və Asiya ölkələri ilə əməkdaşlıq əlaqələrini müntəzəm olaraq inkişaf etdirir və bu sahədə fəaliyyətini genişləndirir.